Jeremiah 51. 1-64 (WLCt)
1 kōh ʾāmar yhwh hinnî mēʿîr ʿal -bābel wǝʾel -yōšǝbê lēb qāmāy rûaḥ mašḥît
2 wǝšillaḥtî lǝbābel zārîm wǝzērûhā wîbōqǝqû ʾet -ʾarṣāh kî -hāyû ʿālêhā missābîb bǝyôm rāʿâ
3 ʾel -yidrōk ydrk haddōrēk qaštô wǝʾel -yitʿal bǝsiryōnô wǝʾal -taḥmǝlû ʾel -baḥūrêhā haḥărîmû kol -ṣǝbāʾāh
4 wǝnāpǝlû ḥălālîm bǝʾereṣ kaśdîm ûmǝdūqqārîm bǝḥûṣôtêhā
5 kî lōʾ -ʾalmān yiśrāʾēl wîhûdâ mēʾĕlōhāyw mē-yhwh ṣǝbāʾôt kî ʾarṣām mālǝʾâ ʾāšām miqqǝdôš yiśrāʾēl
6 nūsû mittôk bābel ûmallǝṭû ʾîš napšô ʾal -tiddammû baʿăwōnāh kî ʿēt nǝqāmâ hîʾ la-yhwh gǝmûl hûʾ mǝšallēm lāh
7 kôs -zāhāb bābel bǝyad -yhwh mǝšakkeret kol -hāʾāreṣ miyyênāh šātû gôyim ʿal -kēn yithōlǝlû gôyim
8 pitʾōm nāpǝlâ bābel wattiššābēr hêlîlû ʿālêhā qǝḥû ṣŏrî lǝmakʾôbāh ʾûlay tērāpēʾ
9 rpʾnw rippînû ʾet -bābel wǝlōʾ nirpātâ ʿizbûhā wǝnēlēk ʾîš lǝʾarṣô kî -nāgaʿ ʾel -haššāmayim mišpāṭāh wǝniśśāʾ ʿad -šǝḥāqîm
10 hôṣîʾ yhwh ʾet -ṣidqōtênû bōʾû ûnǝsappǝrâ bǝṣiyyôn ʾet -maʿăśê yhwh ʾĕlōhênû
11 hābērû haḥiṣṣîm milʾû haššǝlāṭîm hēʿîr yhwh ʾet -rûaḥ malkê māday kî -ʿal -bābel mǝzimmātô lǝhašḥîtāh kî -niqmat yhwh hîʾ niqmat hêkālô
12 ʾel -ḥômōt bābel śǝʾû -nēs haḥăzîqû hammišmār hāqîmû šōmǝrîm hākînû hāʾōrǝbîm kî gam -zāmam yhwh gam -ʿāśâ ʾēt ʾăšer -dibber ʾel -yōšǝbê bābel
13 šknty šōkant ʿal -mayim rabbîm rabbat ʾôṣārōt bāʾ qiṣṣēk ʾammat biṣʿēk
14 nišbaʿ yhwh ṣǝbāʾôt bǝnapšô kî ʾim -millēʾtîk ʾādām kayyeleq wǝʿānû ʿālayik hêdād s
15 ʿōśê ʾereṣ bǝkōḥô mēkîn tēbēl bǝḥokmātô ûbitbûnātô nāṭâ šāmāyim
16 lǝqôl tittô hămôn mayim baššāmayim wayyaʿal nǝśiʾîm miqṣê -ʾāreṣ bǝrāqîm lammāṭār ʿāśâ wayyōṣēʾ rûaḥ mēʾōṣǝrōtāyw
17 nibʿar kol -ʾādām middaʿat hōbîš kol -ṣōrēp mippāsel kî šeqer niskô wǝlōʾ -rûaḥ bām
18 hebel hēmmâ maʿăśê taʿtūʿîm bǝʿēt pǝqūddātām yōʾbēdû
19 lōʾ -kǝʾēllê ḥēleq yaʿăqôb kî -yôṣēr hakkōl hûʾ wǝšēbeṭ naḥălātô yhwh ṣǝbāʾôt šǝmô s
20 mappēṣ -ʾattâ lî kǝlê milḥāmâ wǝnippaṣtî bǝkā gôyim wǝhišḥattî bǝkā mamlākôt
21 wǝnippaṣtî bǝkā sûs wǝrōkǝbô wǝnippaṣtî bǝkā rekeb wǝrōkǝbô
22 wǝnippaṣtî bǝkā ʾîš wǝʾiššâ wǝnippaṣtî bǝkā zāqēn wānāʿar wǝnippaṣtî bǝkā bāḥûr ûbǝtûlâ
23 wǝnippaṣtî bǝkā rōʿê wǝʿedrô wǝnippaṣtî bǝkā ʾikkār wǝṣimdô wǝnippaṣtî bǝkā paḥôt ûsǝgānîm
24 wǝšillamtî lǝbābel ûlǝkōl yôšǝbê kaśdîm ʾēt kol -rāʿātām ʾăšer -ʿāśû bǝṣiyyôn lǝʿênêkem nǝʾūm yhwh s
25 hinnî ʾēlêkā har hammašḥît nǝʾūm -yhwh hammašḥît ʾet -kol -hāʾāreṣ wǝnāṭîtî ʾet -yādî ʿālêkā wǝgilgaltîkā min -hassǝlāʿîm ûnǝtattîkā lǝhar śǝrēpâ
26 wǝlōʾ -yiqḥû mimmǝkā ʾeben lǝpinnâ wǝʾeben lǝmôsādôt kî -šimmôt ʿôlām tihǝyê nǝʾūm -yhwh
27 śǝʾû -nēs bāʾāreṣ tiqʿû šôpār baggôyim qaddǝšû ʿālêhā gôyim hašmîʿû ʿālêhā mamlǝkôt ʾărāraṭ minnî wǝʾaškǝnāz piqdû ʿālêhā ṭipsār haʿălû -sûs kǝyeleq sāmār
28 qaddǝšû ʿālêhā gôyim ʾet -malkê māday ʾet -paḥôtêhā wǝʾet -kol -sǝgānêhā wǝʾēt kol -ʾereṣ memšaltô
29 wattirʿaš hāʾāreṣ wattāḥōl kî qāmâ ʿal -bābel maḥšǝbôt yhwh lāśûm ʾet -ʾereṣ bābel lǝšammâ mēʾên yôšēb
30 ḥādǝlû gibbôrê bābel lǝhillāḥēm yāšǝbû bammǝṣādôt nāšǝtâ gǝbûrātām hāyû lǝnāšîm hiṣṣîtû miškǝnōtêhā nišbǝrû bǝrîḥêhā
31 rāṣ liqraʾt -rāṣ yārûṣ ûmaggîd liqraʾt maggîd lǝhaggîd lǝmelek bābel kî -nilkǝdâ ʿîrô miqqāṣê
32 wǝhammaʿbārôt nitpāśû wǝʾet -hāʾăgammîm śārǝpû bāʾēš wǝʾanšê hammilḥāmâ nibhālû s
33 kî kōh ʾāmar yhwh ṣǝbāʾôt ʾĕlōhê yiśrāʾēl bat -bābel kǝgōren ʿēt hidrîkāh ʿôd mǝʿaṭ ûbāʾâ ʿēt -haqqāṣîr lāh
34 ʾklnw ʾăkālanî hmmnw hămāmanî nǝbûkadreʾṣar melek bābel hṣygnw hiṣṣîganî kǝlî rîq blʿnw bǝlāʿanî kattannîn millāʾ kǝrēśô mēʿădānāy hdyḥnw hĕdîḥānî ׃
35 ḥămāsî ûšǝʾērî ʿal -bābel tōʾmar yōšebet ṣiyyôn wǝdāmî ʾel -yōšǝbê kaśdîm tōʾmar yǝrûšālāim s
36 lākēn kōh ʾāmar yhwh hinnî -rāb ʾet -rîbēk wǝniqqamtî ʾet -niqmātēk wǝhaḥărabtî ʾet -yammāh wǝhōbaštî ʾet -mǝqôrāh
37 wǝhāyǝtâ bābel lǝgallîm mǝʿôn -tannîm šammâ ûšǝrēqâ mēʾên yôšēb
38 yaḥdāw kakkǝpirîm yišʾāgû nāʿărû kǝgôrê ʾărāyôt
39 bǝḥūmmām ʾāšît ʾet -mištêhem wǝhiškartîm lǝmaʿan yaʿălōzû wǝyāšǝnû šǝnat -ʿôlām wǝlōʾ yāqîṣû nǝʾūm yhwh
40 ʾôrîdēm kǝkārîm liṭbôaḥ kǝʾêlîm ʿim -ʿattûdîm
41 ʾêk nilkǝdâ šēšak wattittāpēś tǝhillat kol -hāʾāreṣ ʾêk hāyǝtâ lǝšammâ bābel baggôyim
42 ʿālâ ʿal -bābel hayyām bahămôn galāyw niksātâ
43 hāyû ʿārêhā lǝšammâ ʾereṣ ṣiyyâ waʿărābâ ʾereṣ lōʾ -yēšēb bāhēn kol -ʾîš wǝlōʾ -yaʿăbōr bāhēn ben -ʾādām
44 ûpāqadtî ʿal -bēl bǝbābel wǝhōṣēʾtî ʾet -bilʿô mippîw wǝlōʾ -yinhărû ʾēlāyw ʿôd gôyim gam -ḥômat bābel nāpālâ
45 ṣǝʾû mittôkāh ʿammî ûmallǝṭû ʾîš ʾet -napšô mēḥărôn ʾap -yhwh
46 ûpen -yērak lǝbabkem wǝtîrǝʾû baššǝmûʿâ hannišmaʿat bāʾāreṣ ûbāʾ baššānâ haššǝmûʿâ wǝʾaḥărāyw baššānâ haššǝmûʿâ wǝḥāmās bāʾāreṣ ûmōšēl ʿal -mōšēl
47 lākēn hinnê yāmîm bāʾîm ûpāqadtî ʿal -pǝsîlê bābel wǝkol -ʾarṣāh tēbôš wǝkol -ḥălālêhā yippǝlû bǝtôkāh
48 wǝrinnǝnû ʿal -bābel šāmayim wāʾāreṣ wǝkōl ʾăšer bāhem kî miṣṣāpôn yābôʾ -lāh haššôdǝdîm nǝʾūm -yhwh
49 gam -bābel linpōl ḥalǝlê yiśrāʾēl gam -lǝbābel nāpǝlû ḥalǝlê kol -hāʾāreṣ
50 pǝlēṭîm mēḥereb hilkû ʾal -taʿămōdû zikrû mērāḥôq ʾet -yhwh wîrûšālaim taʿălê ʿal -lǝbabkem
51 bōšǝnû kî -šāmaʿnû ḥerpâ kissǝtâ kǝlimmâ pānênû kî bāʾû zārîm ʿal -miqdǝšê bêt yhwh s
52 lākēn hinnê -yāmîm bāʾîm nǝʾūm -yhwh ûpāqadtî ʿal -pǝsîlêhā ûbǝkol -ʾarṣāh yeʾĕnōq ḥālāl
53 kî -taʿălê bābel haššāmayim wǝkî tǝbaṣṣēr mǝrôm ʿūzzāh mēʾittî yābōʾû šōdǝdîm lāh nǝʾūm -yhwh s
54 qôl zǝʿāqâ mibbābel wǝšeber gādôl mēʾereṣ kaśdîm
55 kî -šōdēd yhwh ʾet -bābel wǝʾibbad mimmennâ qôl gādôl wǝhāmû gallêhem kǝmayim rabbîm nittan šǝʾôn qôlām
56 kî bāʾ ʿālêhā ʿal -bābel šôdēd wǝnilkǝdû gibbôrêhā ḥittǝtâ qaššǝtôtām kî ʾēl gǝmūlôt yhwh šallēm yǝšallēm
57 wǝhiškartî śārêhā waḥăkāmêhā paḥôtêhā ûsǝgānêhā wǝgibbôrêhā wǝyāšǝnû šǝnat -ʿôlām wǝlōʾ yāqîṣû nǝʾūm -hammelek yhwh ṣǝbāʾôt šǝmô s
58 kōh -ʾāmar yhwh ṣǝbāʾôt ḥōmôt bābel hārǝḥābâ ʿarʿēr titʿarʿār ûšǝʿārêhā haggǝbōhîm bāʾēš yiṣṣattû wǝyigǝʿû ʿammîm bǝdê -rîq ûlǝʾūmmîm bǝdê -ʾēš wǝyāʿēpû s
59 haddābār ʾăšer -ṣiwwâ yirmǝyāhû hannābîʾ ʾet -śǝrāyâ ben -nēriyyâ ben -maḥsēyâ bǝlektô ʾet -ṣidqiyyāhû melek -yǝhûdâ bābel bišnat hārǝbiʿît lǝmālǝkô ûśǝrāyâ śar mǝnûḥâ
60 wayyiktōb yirmǝyāhû ʾēt kol -hārāʿâ ʾăšer -tābôʾ ʾel -bābel ʾel -sēper ʾeḥād ʾēt kol -haddǝbārîm hāʾēllê hakkǝtūbîm ʾel -bābel
61 wayyōʾmer yirmǝyāhû ʾel -śǝrāyâ kǝbōʾăkā bābel wǝrāʾîtā wǝqārāʾtā ʾēt kol -haddǝbārîm hāʾēllê
62 wǝʾāmartā yhwh ʾattâ dibbartā ʾel -hammāqôm hazzê lǝhakrîtô lǝbiltî hĕyôt -bô yôšēb lǝmēʾādām wǝʿad -bǝhēmâ kî -šimmôt ʿôlām tihǝyê
63 wǝhāyâ kǝkallōtǝkā liqrōʾ ʾet -hassēper hazzê tiqšōr ʿālāyw ʾeben wǝhišlaktô ʾel -tôk pǝrāt
64 wǝʾāmartā kākâ tišqaʿ bābel wǝlōʾ -tāqûm mippǝnê hārāʿâ ʾăšer ʾānōkî mēbîʾ ʿālêhā wǝyāʿēpû ʿad -hēnnâ dibrê yirmǝyāhû s
navigate_before
navigate_next
translate
settings
arrow_upward
content_copy
verset copié