Ezekiel 23. 1-49 (WLCt)
1 wayǝhî dǝbar -yhwh ʾēlay lēʾmōr
2 ben -ʾādām šǝtayim nāšîm bǝnôt ʾēm -ʾaḥat hāyû
3 wattiznênâ bǝmiṣrayim binʿûrêhen zānû šāmmâ mōʿăkû šǝdêhen wǝšām ʿiśśû daddê bǝtûlêhen
4 ûšǝmôtān ʾohŏlâ haggǝdôlâ wǝʾohŏlîbâ ʾăḥôtāh wattihǝyênâ lî wattēladnâ bānîm ûbānôt ûšǝmôtān šōmǝrôn ʾohŏlâ wîrûšālaim ʾohŏlîbâ
5 wattizen ʾohŏlâ taḥtāy wattaʿgab ʿal -mǝʾahăbêhā ʾel -ʾaššûr qǝrôbîm
6 lǝbūšê tǝkēlet paḥôt ûsǝgānîm baḥûrê ḥemed kūllām pārāšîm rōkǝbê sûsîm
7 wattittēn taznûtêhā ʿălêhem mibḥar bǝnê -ʾaššûr kūllām ûbǝkōl ʾăšer -ʿāgǝbâ bǝkol -gillûlêhem niṭmāʾâ
8 wǝʾet -taznûtêhā mimmiṣrayim lōʾ ʿāzābâ kî ʾôtāh šākǝbû binʿûrêhā wǝhēmmâ ʿiśśû daddê bǝtûlêhā wayyišpǝkû taznûtām ʿālêhā
9 lākēn nǝtattîhā bǝyad -mǝʾahăbêhā bǝyad bǝnê ʾaššûr ʾăšer ʿāgǝbâ ʿălêhem
10 hēmmâ gillû ʿerwātāh bānêhā ûbǝnôtêhā lāqāḥû wǝʾôtāh baḥereb hārāgû wattǝhî -šēm lannāšîm ûšǝpûṭîm ʿāśû bāh s
11 wattēreʾ ʾăḥôtāh ʾohŏlîbâ wattašḥēt ʿagbātāh mimmennâ wǝʾet -taznûtêhā mizzǝnûnê ʾăḥôtāh
12 ʾel -bǝnê ʾaššûr ʿāgābâ paḥôt ûsǝgānîm qǝrōbîm lǝbūšê miklôl pārāšîm rōkǝbê sûsîm baḥûrê ḥemed kūllām
13 wāʾēreʾ kî niṭmāʾâ derek ʾeḥād lištêhen
14 wattôsep ʾel -taznûtêhā wattēreʾ ʾanšê mǝḥūqqê ʿal -haqqîr ṣalmê kšdyym kaśdîm ḥăqūqîm baššāšar
15 ḥăgôrê ʾēzôr bǝmotnêhem sǝrûḥê ṭǝbûlîm bǝrāʾšêhem marʾê šālišîm kūllām dǝmût bǝnê -bābel kaśdîm ʾereṣ môladtām
16 wtʿgb wattaʿgǝbâ ʿălêhem lǝmarʾê ʿênêhā wattišlaḥ malʾākîm ʾălêhem kaśdîmâ
17 wayyābōʾû ʾēlêhā bǝnê -bābel lǝmiškab dōdîm wayǝṭammǝʾû ʾôtāh bǝtaznûtām wattiṭmāʾ -bām wattēqaʿ napšāh mēhem
18 wattǝgal taznûtêhā wattǝgal ʾet -ʿerwātāh wattēqaʿ napšî mēʿālêhā kaʾăšer nāqǝʿâ napšî mēʿal ʾăḥôtāh
19 wattarbê ʾet -taznûtêhā lizkōr ʾet -yǝmê nǝʿûrêhā ʾăšer zānǝtâ bǝʾereṣ miṣrāyim
20 wattaʿgǝbâ ʿal pilagšêhem ʾăšer bǝśar -ḥămôrîm bǝśārām wǝzirmat sûsîm zirmātām
21 wattipqǝdî ʾēt zimmat nǝʿûrāyik baʿśôt mimmiṣrayim daddayik lǝmaʿan šǝdê nǝʿûrāyik s
22 lākēn ʾohŏlîbâ kōh -ʾāmar ʾădōnāy yhwh hinnî mēʿîr ʾet -mǝʾahăbayik ʿālayik ʾēt ʾăšer -nāqǝʿâ napšēk mēhem wahăbēʾtîm ʿālayik missābîb
23 bǝnê bābel wǝkol -kaśdîm pǝqôd wǝšôaʿ wǝqôaʿ kol -bǝnê ʾaššûr ʾôtām baḥûrê ḥemed paḥôt ûsǝgānîm kūllām šālišîm ûqǝrûʾîm rōkǝbê sûsîm kūllām
24 ûbāʾû ʿālayik hōṣen rekeb wǝgalgal ûbiqhal ʿammîm ṣinnâ ûmāgēn wǝqôbaʿ yāśîmû ʿālayik sābîb wǝnātattî lipnêhem mišpāṭ ûšǝpāṭûk bǝmišpǝṭêhem
25 wǝnātattî qinʾātî bāk wǝʿāśû ʾôtāk bǝḥēmâ ʾappēk wǝʾoznayik yāsîrû wǝʾaḥărîtēk baḥereb tippôl hēmmâ bānayik ûbǝnôtayik yiqqāḥû wǝʾaḥărîtēk tēʾākēl bāʾēš
26 wǝhipšîṭûk ʾet -bǝgādāyik wǝlāqǝḥû kǝlê tipʾartēk
27 wǝhišbattî zimmātēk mimmēk wǝʾet -zǝnûtēk mēʾereṣ miṣrāyim wǝlōʾ -tiśʾî ʿênayik ʾălêhem ûmiṣrayim lōʾ tizkǝrî -ʿôd s
28 kî kōh ʾāmar ʾădōnāy yhwh hinnî nōtǝnāk bǝyad ʾăšer śānēʾt bǝyad ʾăšer -nāqǝʿâ napšēk mēhem
29 wǝʿāśû ʾôtāk bǝśinʾâ wǝlāqǝḥû kol -yǝgîʿēk waʿăzābûk ʿêrōm wǝʿeryâ wǝniglâ ʿerwat zǝnûnayik wǝzimmātēk wǝtaznûtāyik
30 ʿāśōh ʾēllê lāk biznôtēk ʾaḥărê gôyim ʿal ʾăšer -niṭmēʾt bǝgillûlêhem
31 bǝderek ʾăḥôtēk hālākt wǝnātattî kôsāh bǝyādēk s
32 kōh ʾāmar ʾădōnāy yhwh kôs ʾăḥôtēk tištî hāʿămūqqâ wǝhārǝḥābâ tihyê liṣḥōq ûlǝlaʿag mirbâ lǝhākîl
33 šikkārôn wǝyāgôn timmālēʾî kôs šammâ ûšǝmāmâ kôs ʾăḥôtēk šōmǝrôn
34 wǝšātît ʾôtāh ûmāṣît wǝʾet -ḥărāśêhā tǝgārēmî wǝšādayik tǝnattēqî kî ʾănî dibbartî nǝʾūm ʾădōnāy yhwh s
35 lākēn kōh ʾāmar ʾădōnāy yhwh yaʿan šākaḥat ʾôtî wattašlîkî ʾôtî ʾaḥărê gawwēk wǝgam -ʾat śǝʾî zimmātēk wǝʾet -taznûtāyik s
36 wayyōʾmer yhwh ʾēlay ben -ʾādām hătišpôṭ ʾet -ʾohŏlâ wǝʾet -ʾohŏlîbâ wǝhaggēd lāhen ʾēt tôʿăbôtêhen
37 kî niʾēpû wǝdām bîdêhen wǝʾet -gillûlêhen niʾēpû wǝgam ʾet -bǝnêhen ʾăšer yālǝdû -lî heʿĕbîrû lāhem lǝʾoklâ
38 ʿôd zōʾt ʿāśû lî ṭimmǝʾû ʾet -miqdāšî bayyôm hahûʾ wǝʾet -šabbǝtôtay ḥillēlû
39 ûbǝšaḥăṭām ʾet -bǝnêhem lǝgillûlêhem wayyābōʾû ʾel -miqdāšî bayyôm hahûʾ lǝḥallǝlô wǝhinnê -kōh ʿāśû bǝtôk bêtî
40 wǝʾap kî tišlaḥnâ laʾănāšîm bāʾîm mimmerḥāq ʾăšer malʾāk šālûaḥ ʾălêhem wǝhinnê -bāʾû laʾăšer rāḥaṣt kāḥalt ʿênayik wǝʿādît ʿedî
41 wǝyāšabt ʿal -miṭṭâ kǝbûddâ wǝšūlḥān ʿārûk lǝpānêhā ûqǝṭārǝtî wǝšamnî śamt ʿālêhā
42 wǝqôl hāmôn šālēw bāh wǝʾel -ʾănāšîm mērōb ʾādām mûbāʾîm swbʾym sābāʾîm mimmidbār wayyittǝnû ṣǝmîdîm ʾel -yǝdêhen waʿăṭeret tipʾeret ʿal -rāʾšêhen
43 wāʾōmar labbālâ niʾûpîm ʿt ʿattâ yznh yiznû taznûtehā wāhîʾ
44 wayyābôʾ ʾēlêhā kǝbôʾ ʾel -ʾiššâ zônâ kēn bāʾû ʾel -ʾohŏlâ wǝʾel -ʾohŏlîbâ ʾiššōt hazzimmâ
45 waʾănāšîm ṣaddîqim hēmmâ yišpǝṭû ʾôtǝhem mišpaṭ nōʾăpôt ûmišpaṭ šōpǝkôt dām kî nōʾăpōt hēnnâ wǝdām bîdêhen s
46 kî kōh ʾāmar ʾădōnāy yhwh haʿălê ʿălêhem qāhāl wǝnātōn ʾethen lǝzaʿăwâ wǝlābaz
47 wǝrāgǝmû ʿălêhen ʾeben qāhāl ûbārēʾ ʾôtǝhen bǝḥarbôtām bǝnêhem ûbǝnôtêhem yahărōgû ûbāttêhen bāʾēš yiśrōpû
48 wǝhišbattî zimmâ min -hāʾāreṣ wǝniwwassǝrû kol -hannāšîm wǝlōʾ taʿăśênâ kǝzimmatkenâ
49 wǝnātǝnû zimmatkenâ ʿălêken waḥăṭāʾê gillûlêken tiśśeʾynâ wîdaʿtem kî ʾănî ʾădōnāy yhwh p
navigate_before
navigate_next
translate
settings
arrow_upward
content_copy
verset copié