Ezekiel 20. 1-44 (WLCt)
1 wayǝhî baššānâ haššǝbîʿît baḥămišî beʿāśôr laḥōdeš bāʾû ʾănāšîm mizziqnê yiśrāʾēl lidrōš ʾet -yhwh wayyēšǝbû lǝpānāy s
2 wayǝhî dǝbar -yhwh ʾēlay lēʾmōr
3 ben -ʾādām dabbēr ʾet -ziqnê yiśrāʾēl wǝʾāmartā ʾălēhem kōh ʾāmar ʾădōnāy yhwh hălidrōš ʾōtî ʾattem bāʾîm ḥay -ʾānî ʾim -ʾiddārēš lākem nǝʾūm ʾădōnāy yhwh
4 hătišpōṭ ʾōtām hătišpôṭ ben -ʾādām ʾet -tôʿăbōt ʾăbôtām hôdîʿēm
5 wǝʾāmartā ʾălêhem kōh -ʾāmar ʾădōnāy yhwh bǝyôm boḥŏrî bǝyiśrāʾēl wāʾeśśāʾ yādî lǝzeraʿ bêt yaʿăqōb wāʾiwwādaʿ lāhem bǝʾereṣ miṣrāyim wāʾeśśāʾ yādî lāhem lēʾmōr ʾănî yhwh ʾĕlōhêkem
6 bayyôm hahûʾ nāśāʾtî yādî lāhem lǝhôṣîʾām mēʾereṣ miṣrāyim ʾel -ʾereṣ ʾăšer -tartî lāhem zābat ḥālāb ûdǝbaš ṣǝbî hîʾ lǝkol -hāʾărāṣôt
7 wāʾōmar ʾălēhem ʾîš šiqqûṣê ʿênāyw hašlîkû ûbǝgillûlê miṣrayim ʾal -tiṭṭammāʾû ʾănî yhwh ʾĕlōhêkem
8 wayyamrû -bî wǝlōʾ ʾābû lišmōaʿ ʾēlay ʾîš ʾet -šiqqûṣê ʿênêhem lōʾ hišlîkû wǝʾet -gillûlê miṣrayim lōʾ ʿāzābû wāʾōmar lišpōk ḥămātî ʿălêhem lǝkallôt ʾappî bāhem bǝtôk ʾereṣ miṣrāyim
9 wāʾaʿaś lǝmaʿan šǝmî lǝbiltî hēḥēl lǝʿênê haggôyim ʾăšer -hēmmâ bǝtôkām ʾăšer nôdaʿtî ʾălêhem lǝʿênêhem lǝhôṣîʾām mēʾereṣ miṣrāyim
10 wāʾôṣîʾēm mēʾereṣ miṣrāyim wāʾăbiʾēm ʾel -hammidbār
11 wāʾettēn lāhem ʾet -ḥūqqôtay wǝʾet -mišpāṭay hôdaʿtî ʾôtām ʾăšer yaʿăśê ʾôtām hāʾādām wāḥay bāhem
12 wǝgam ʾet -šabbǝtôtay nātattî lāhem lihyôt lǝʾôt bênî ûbênêhem lādaʿat kî ʾănî yhwh mǝqaddǝšām
13 wayyamrû -bî bêt -yiśrāʾēl bammidbār bǝḥūqqôtay lōʾ -hālākû wǝʾet -mišpāṭay māʾāsû ʾăšer yaʿăśê ʾōtām hāʾādām wāḥay bāhem wǝʾet -šabbǝtōtay ḥillǝlû mǝʾōd wāʾōmar lišpōk ḥămātî ʿălêhem bammidbār lǝkallôtām
14 wāʾeʿĕśê lǝmaʿan šǝmî lǝbiltî hēḥēl lǝʿênê haggôyim ʾăšer hôṣēʾtîm lǝʿênêhem
15 wǝgam -ʾănî nāśāʾtî yādî lāhem bammidbār lǝbiltî hābîʾ ʾôtām ʾel -hāʾāreṣ ʾăšer -nātattî zābat ḥālāb ûdǝbaš ṣǝbî hîʾ lǝkol -hāʾărāṣôt
16 yaʿan bǝmišpāṭay māʾāsû wǝʾet -ḥūqqôtay lōʾ -hālǝkû bāhem wǝʾet -šabbǝtôtay ḥillēlû kî ʾaḥărê gillûlêhem libbām hōlēk
17 wattāḥās ʿênî ʿălêhem miššaḥătām wǝlōʾ -ʿāśîtî ʾôtām kālâ bammidbār
18 wāʾōmar ʾel -bǝnêhem bammidbār bǝḥûqqê ʾăbôtêkem ʾal -tēlēkû wǝʾet -mišpǝṭêhem ʾal -tišmōrû ûbǝgillûlêhem ʾal -tiṭṭammāʾû
19 ʾănî yhwh ʾĕlōhêkem bǝḥūqqôtay lēkû wǝʾet -mišpāṭay šimrû waʿăśû ʾôtām
20 wǝʾet -šabbǝtôtay qaddēšû wǝhāyû lǝʾôt bênî ûbênêkem lādaʿat kî ʾănî yhwh ʾĕlōhêkem
21 wayyamrû -bî habbānîm bǝḥūqqôtay lōʾ -hālākû wǝʾet -mišpāṭay lōʾ -šāmǝrû laʿăśôt ʾôtām ʾăšer yaʿăśê ʾôtām hāʾādām wāḥay bāhem ʾet -šabbǝtôtay ḥillēlû wāʾōmar lišpōk ḥămātî ʿălêhem lǝkallôt ʾappî bām bammidbār
22 wahăšibōtî ʾet -yādî wāʾaʿaś lǝmaʿan šǝmî lǝbiltî hēḥēl lǝʿênê haggôyim ʾăšer -hôṣēʾtî ʾôtām lǝʿênêhem
23 gam -ʾănî nāśāʾtî ʾet -yādî lāhem bammidbār lǝhāpîṣ ʾōtām baggôyim ûlǝzārôt ʾôtām bāʾărāṣôt
24 yaʿan mišpāṭay lōʾ -ʿāśû wǝḥūqqôtay māʾāsû wǝʾet -šabbǝtôtay ḥillēlû wǝʾaḥărê gillûlê ʾăbôtām hāyû ʿênêhem
25 wǝgam -ʾănî nātattî lāhem ḥūqqîm lōʾ ṭôbîm ûmišpāṭîm lōʾ yiḥǝyû bāhem
26 wāʾăṭammēʾ ʾôtām bǝmattǝnôtām bǝhaʿăbîr kol -peṭer rāḥam lǝmaʿan ʾăšimmēm lǝmaʿan ʾăšer yēdǝʿû ʾăšer ʾănî yhwh s
27 lākēn dabbēr ʾel -bêt yiśrāʾēl ben -ʾādām wǝʾāmartā ʾălêhem kōh ʾāmar ʾădōnāy yhwh ʿôd zōʾt giddǝpû ʾôtî ʾăbôtêkem bǝmaʿălām bî māʿal
28 wāʾăbîʾēm ʾel -hāʾāreṣ ʾăšer nāśāʾtî ʾet -yādî lātēt ʾôtāh lāhem wayyirʾû kol -gibʿâ rāmâ wǝkol -ʿēṣ ʿābōt wayyizbǝḥû -šām ʾet -zibḥêhem wayyittǝnû -šām kaʿas qorbānām wayyāśîmû šām rêaḥ nîḥôḥêhem wayyassîkû šām ʾet -niskêhem
29 wāʾōmar ʾălēhem mâ habbāmâ ʾăšer -ʾattem habbāʾîm šām wayyiqqārēʾ šǝmāh bāmâ ʿad hayyôm hazzê
30 lākēn ʾĕmōr ʾel -bêt yiśrāʾēl kōh ʾāmar ʾădōnāy yhwh habbǝderek ʾăbôtêkem ʾattem niṭmǝʾîm wǝʾaḥărê šiqqûṣêhem ʾattem zōnîm
31 ûbiśʾēt mattǝnōtêkem bǝhaʿăbîr bǝnêkem bāʾēš ʾattem niṭmǝʾîm lǝkol -gillûlêkem ʿad -hayyôm waʾănî ʾiddārēš lākem bêt yiśrāʾēl ḥay -ʾānî nǝʾūm ʾădōnāy yhwh ʾim -ʾiddārēš lākem
32 wǝhāʿōlâ ʿal -rûḥăkem hāyô lōʾ tihǝyê ʾăšer ʾattem ʾōmǝrîm nihǝyê kaggôyim kǝmišpǝḥôt hāʾărāṣôt lǝšārēt ʿēṣ wāʾāben
33 ḥay -ʾānî nǝʾūm ʾădōnāy yhwh ʾim -lōʾ bǝyād ḥăzāqâ ûbizrôaʿ nǝṭûyâ ûbǝḥēmâ šǝpûkâ ʾemlôk ʿălêkem
34 wǝhôṣēʾtî ʾetkem min -hāʿammîm wǝqibbaṣtî ʾetkem min -hāʾărāṣôt ʾăšer nǝpôṣōtem bām bǝyād ḥăzāqâ ûbizrôaʿ nǝṭûyâ ûbǝḥēmâ šǝpûkâ
35 wǝhēbēʾtî ʾetkem ʾel -midbar hāʿammîm wǝnišpaṭtî ʾittǝkem šām pānîm ʾel -pānîm
36 kaʾăšer nišpaṭtî ʾet -ʾăbôtêkem bǝmidbar ʾereṣ miṣrāyim kēn ʾiššāpēṭ ʾittǝkem nǝʾūm ʾădōnāy yhwh
37 wǝhaʿăbartî ʾetkem taḥat haššābeṭ wǝhēbēʾtî ʾetkem bǝmāsōret habbǝrît
38 ûbārôtî mikkem hammōrǝdîm wǝhappôšǝʿîm bî mēʾereṣ mǝgûrêhem ʾôṣîʾ ʾôtām wǝʾel -ʾadmat yiśrāʾēl lōʾ yābôʾ wîdaʿtem kî -ʾănî yhwh
39 wǝʾattem bêt -yiśrāʾēl kōh -ʾāmar ʾădōnāy yhwh ʾîš gillûlāyw lǝkû ʿăbōdû wǝʾaḥar ʾim -ʾênǝkem šōmǝʿîm ʾēlāy wǝʾet -šēm qodšî lōʾ tǝḥallǝlû -ʿôd bǝmattǝnôtêkem ûbǝgillûlêkem
40 kî bǝhar -qodšî bǝhar mǝrôm yiśrāʾēl nǝʾūm ʾădōnāy yhwh šām yaʿabdūnî kol -bêt yiśrāʾēl kūllōh bāʾāreṣ šām ʾerṣēm wǝšām ʾedrôš ʾet -tǝrûmōtêkem wǝʾet -rēʾšît maśʾôtêkem bǝkol -qodšêkem
41 bǝrêaḥ nîḥōaḥ ʾerṣê ʾetkem bǝhôṣîʾî ʾetkem min -hāʿammîm wǝqibbaṣtî ʾetkem min -hāʾărāṣôt ʾăšer nǝpōṣōtem bām wǝniqdaštî bākem lǝʿênê haggôyim
42 wîdaʿtem kî -ʾănî yhwh bahăbîʾî ʾetkem ʾel -ʾadmat yiśrāʾēl ʾel -hāʾāreṣ ʾăšer nāśāʾtî ʾet -yādî lātēt ʾôtāh laʾăbôtêkem
43 ûzǝkartem -šām ʾet -darkêkem wǝʾēt kol -ʿălîlôtêkem ʾăšer niṭmēʾtem bām ûnǝqōṭōtem bipnêkem bǝkol -rāʿôtêkem ʾăšer ʿăśîtem
44 wîdaʿtem kî -ʾănî yhwh baʿăśôtî ʾittǝkem lǝmaʿan šǝmî lōʾ kǝdarkêkem hārāʿîm wǝkaʿălîlôtêkem hannišḥātôt bêt yiśrāʾēl nǝʾūm ʾădōnāy yhwh p
navigate_before
navigate_next
translate
settings
arrow_upward
content_copy
verset copié