Exodus 8. 1-28 (WLCt)
1 * wayyōʾmer yhwh ʾel -mōšê ʾĕmōr ʾel -ʾahărōn nǝṭê ʾet -yādǝkā bǝmaṭṭekā ʿal -hannǝhārōt ʿal -hayǝʾōrîm wǝʿal -hāʾăgammîm wǝhaʿal ʾet -haṣǝpardǝʿîm ʿal -ʾereṣ miṣrāyim
2 * wayyēṭ ʾahărōn ʾet -yādô ʿal mêmê miṣrāyim wattaʿal haṣṣǝpardēaʿ wattǝkas ʾet -ʾereṣ miṣrāyim
3 * wayyaʿăśû -kēn harǝḥăṭūmmîm bǝlāṭêhem wayyaʿălû ʾet -haṣǝpardǝʿîm ʿal -ʾereṣ miṣrāyim
4 * wayyiqrāʾ parʿōh lǝmōšê ûlǝʾahărōn wayyōʾmer haʿtîrû ʾel -yhwh wǝyāsēr haṣǝpardǝʿîm mimmennî ûmēʿammî waʾăšallǝḥâ ʾet -hāʿām wǝyizbǝḥû la-yhwh
5 * wayyōʾmer mōšê lǝparʿōh hitpāʾēr ʿālay lǝmātay ʾaʿtîr lǝkā wǝlaʿăbādêkā ûlǝʿammǝkā lǝhakrît haṣăpardǝʿîm mimmǝkā ûmibbāttêkā raq bayʾōr tiššāʾarǝnâ
6 * wayyōʾmer lǝmāḥār wayyōʾmer kidbārǝkā lǝmaʿan tēdaʿ kî -ʾên ka-yhwh ʾĕlōhênû
7 * wǝsārû haṣǝpardǝʿîm mimmǝkā ûmibbāttêkā ûmēʿăbādêkā ûmēʿammekā raq bayʾōr tiššāʾarǝnâ
8 * wayyēṣēʾ mōšê wǝʾahărōn mēʿim parʿōh wayyiṣʿaq mōšê ʾel -yhwh ʿal -dǝbar haṣǝpardǝʿîm ʾăšer -śām lǝparʿōh
9 * wayyaʿaś yhwh kidbar mōšê wayyāmūtû haṣǝpardǝʿîm min -habbāttîm min -haḥăṣērōt ûmin -haśśādōt
10 * wayyiṣbǝrû ʾōtām ḥŏmārim ḥŏmārim wattibʾaš hāʾāreṣ
11 * wayyarʾ parʿōh kî hāyǝtâ hārǝwāḥâ wǝhakbēd ʾet -libbô wǝlōʾ šāmaʿ ʾălēhem kaʾăšer dibber yhwh s
12 * wayyōʾmer yhwh ʾel -mōšê ʾĕmōr ʾel -ʾahărōn nǝṭê ʾet -maṭṭǝkā wǝhak ʾet -ʿăpar hāʾāreṣ wǝhāyâ lǝkinnim bǝkol -ʾereṣ miṣrāyim
13 * wayyaʿăśû -kēn wayyēṭ ʾahărōn ʾet -yādô bǝmaṭṭēhû wayyak ʾet -ʿăpar hāʾāreṣ wattǝhî hakkinnām bāʾādām ûbabbǝhēmâ kol -ʿăpar hāʾāreṣ hāyâ kinnîm bǝkol -ʾereṣ miṣrāyim
14 * wayyaʿăśû -kēn haḥarṭūmmîm bǝlāṭêhem lǝhôṣîʾ ʾet -hakkinnîm wǝlōʾ yākōlû wattǝhî hakkinnām bāʾādām ûbabbǝhēmâ
15 * wayyōʾmǝrû haḥarṭūmmîm ʾel -parʿōh ʾeṣbaʿ ʾĕlōhîm hiwʾ wayyeḥĕzaq lēb -parʿōh wǝlōʾ -šāmaʿ ʾălēhem kaʾăšer dibber yhwh s
16 * wayyōʾmer yhwh ʾel -mōšê haškēm babbōqer wǝhityaṣṣēb lipnê parʿōh hinnê yôṣēʾ hammāyǝmâ wǝʾāmartā ʾēlāyw kōh ʾāmar yhwh šallaḥ ʿammî wǝyaʿabdūnî
17 * kî ʾim -ʾênǝkā mǝšallēaḥ ʾet -ʿammî hinnî mašlîaḥ bǝkā ûbaʿăbādêkā ûbǝʿammǝkā ûbǝbāttêkā ʾet -heʿārōb ûmālǝʾû bāttê miṣrayim ʾet -heʿārōb wǝgam hāʾădāmâ ʾăšer -hēm ʿālêhā
18 * wǝhiplêtî bayyôm hahûʾ ʾet -ʾereṣ gōšen ʾăšer ʿammî ʿōmēd ʿālêhā lǝbiltî hĕyôt -šām ʿārōb lǝmaʿan tēdaʿ kî ʾănî yhwh bǝqereb hāʾāreṣ
19 * wǝśamtî pǝdūt bên ʿammî ûbên ʿammekā lǝmāḥār yihyê hāʾōt hazzê
20 * wayyaʿaś yhwh kēn wayyābōʾ ʿārōb kābēd bêtâ parʿōh ûbêt ʿăbādāyw ûbǝkol -ʾereṣ miṣrayim tiššāḥēt hāʾāreṣ mippǝnê heʿārōb
21 * wayyiqrāʾ parʿōh ʾel -mōšê ûlǝʾahărōn wayyōʾmer lǝkû zibḥû lēʾlōhêkem bāʾāreṣ
22 * wayyōʾmer mōšê lōʾ nākôn laʿăśôt kēn kî tôʿăbat miṣrayim nizbaḥ la-yhwh ʾĕlōhênû hēn nizbaḥ ʾet -tôʿăbat miṣrayim lǝʿênêhem wǝlōʾ yisqǝlūnû
23 * derek šǝlōšet yāmîm nēlēk bammidbār wǝzābaḥnû la-yhwh ʾĕlōhênû kaʾăšer yōʾmar ʾēlênû
24 * wayyōʾmer parʿōh ʾānōkî ʾăšallaḥ ʾetkem ûzǝbaḥtem la-yhwh ʾĕlōhêkem bammidbār raq harḥēq lōʾ -tarḥîqû lāleket haʿtîrû baʿădî
25 * wayyōʾmer mōšê hinnê ʾānōkî yôṣēʾ mēʿimmāk wǝhaʿtartî ʾel -yhwh wǝsār heʿārōb mipparʿōh mēʿăbādāyw ûmēʿammô māḥār raq ʾal -yōsēp parʿōh hātēl lǝbiltî šallaḥ ʾet -hāʿām lizbōaḥ la-yhwh
26 * wayyēṣēʾ mōšê mēʿim parʿōh wayyeʿtar ʾel -yhwh
27 * wayyaʿaś yhwh kidbar mōšê wayyāsar heʿārōb mipparʿōh mēʿăbādāyw ûmēʿammô lōʾ nišʾar ʾeḥād
28 * wayyakbēd parʿōh ʾet -libbô gam bappaʿam hazzōʾt wǝlōʾ šillaḥ ʾet -hāʿām p
- 1.*. ↑ KJV:Exod.8.5
- 2.*. ↑ KJV:Exod.8.6
- 3.*. ↑ KJV:Exod.8.7
- 4.*. ↑ KJV:Exod.8.8
- 5.*. ↑ KJV:Exod.8.9
- 6.*. ↑ KJV:Exod.8.10
- 7.*. ↑ KJV:Exod.8.11
- 8.*. ↑ KJV:Exod.8.12
- 9.*. ↑ KJV:Exod.8.13
- 10.*. ↑ KJV:Exod.8.14
- 11.*. ↑ KJV:Exod.8.15
- 12.*. ↑ KJV:Exod.8.16
- 13.*. ↑ KJV:Exod.8.17
- 14.*. ↑ KJV:Exod.8.18
- 15.*. ↑ KJV:Exod.8.19
- 16.*. ↑ KJV:Exod.8.20
- 17.*. ↑ KJV:Exod.8.21
- 18.*. ↑ KJV:Exod.8.22
- 19.*. ↑ KJV:Exod.8.23
- 20.*. ↑ KJV:Exod.8.24
- 21.*. ↑ KJV:Exod.8.25
- 22.*. ↑ KJV:Exod.8.26
- 23.*. ↑ KJV:Exod.8.27
- 24.*. ↑ KJV:Exod.8.28
- 25.*. ↑ KJV:Exod.8.29
- 26.*. ↑ KJV:Exod.8.30
- 27.*. ↑ KJV:Exod.8.31
- 28.*. ↑ KJV:Exod.8.32
content_copy
verset copié