Exodus 3. 1-22 (WLCt)
1 ûmōšê hāyâ rōʿê ʾet -ṣōʾn yitrô ḥōtǝnô kōhēn midyān wayyinhag ʾet -haṣṣōʾn ʾaḥar hammidbār wayyābōʾ ʾel -har hāʾĕlōhîm ḥōrēbâ
2 wayyērāʾ malʾak yhwh ʾēlāyw bǝlabbat -ʾēš mittôk hassǝnê wayyarʾ wǝhinnê hassǝnê bōʿēr bāʾēš wǝhassǝnê ʾênennû ʾūkkāl
3 wayyōʾmer mōšê ʾāsūrâ -nāʾ wǝʾerʾê ʾet -hammarʾê haggādōl hazzê maddûaʿ lōʾ -yibʿar hassǝnê
4 wayyarʾ yhwh kî sār lirʾôt wayyiqrāʾ ʾēlāyw ʾĕlōhîm mittôk hassǝnê wayyōʾmer mōšê mōšê wayyōʾmer hinnēnî
5 wayyōʾmer ʾal -tiqrab hălōm šal -nǝʿālêkā mēʿal raglêkā kî hammāqôm ʾăšer ʾattâ ʿômēd ʿālāyw ʾadmat -qōdeš hûʾ
6 wayyōʾmer ʾānōkî ʾĕlōhê ʾābîkā ʾĕlōhê ʾabrāhām ʾĕlōhê yiṣḥāq wēʾlōhê yaʿăqōb wayyastēr mōšê pānāyw kî yārēʾ mēhabbîṭ ʾel -hāʾĕlōhîm
7 wayyōʾmer yhwh rāʾōh rāʾîtî ʾet -ʿŏnî ʿammî ʾăšer bǝmiṣrāyim wǝʾet -ṣaʿăqātām šāmaʿtî mippǝnê nōgǝšׂāyw kî yādaʿtî ʾet -makʾōbāyw
8 wāʾērēd lǝhaṣṣîlô miyyad miṣrayim ûlǝhaʿălōtô min -hāʾāreṣ hahiwʾ ʾel -ʾereṣ ṭôbâ ûrǝḥābâ ʾel -ʾereṣ zābat ḥālāb ûdǝbāš ʾel -mǝqôm hakkǝnaʿănî wǝhaḥittî wǝhāʾĕmōrî wǝhappǝrizzî wǝhaḥiwwî wǝhayǝbûsî
9 wǝʿattâ hinnê ṣaʿăqat bǝnê -yiśrāʾēl bāʾâ ʾēlāy wǝgam -rāʾîtî ʾet -hallaḥaṣ ʾăšer miṣrayim lōḥăṣîm ʾōtām
10 wǝʿattâ lǝkâ wǝʾešǝlāḥăkā ʾel -parʿōh wǝhôṣēʾ ʾet -ʿammî bǝnê -yiśrāʾēl mimmiṣrāyim
11 wayyōʾmer mōšê ʾel -hāʾĕlōhîm mî ʾānōkî kî ʾēlēk ʾel -parʿōh wǝkî ʾôṣîʾ ʾet -bǝnê yiśrāʾēl mimmiṣrāyim
12 wayyōʾmer kî -ʾehǝyê ʿimmāk wǝzê -lǝkā hāʾôt kî ʾānōkî šǝlaḥtîkā bǝhôṣîʾăkā ʾet -hāʿām mimmiṣrayim taʿabdûn ʾet -hāʾĕlōhîm ʿal hāhār hazzê
13 wayyōʾmer mōšê ʾel -hāʾĕlōhîm hinnê ʾānōkî bāʾ ʾel -bǝnê yiśrāʾēl wǝʾāmartî lāhem ʾĕlōhê ʾăbôtêkem šǝlāḥanî ʾălêkem wǝʾāmǝrû -lî mah -šǝmô mâ ʾōmar ʾălēhem
14 wayyōʾmer ʾĕlōhîm ʾel -mōšê ʾehǝyê ʾăšer ʾehǝyê wayyōʾmer kōh tōʾmar libnê yiśrāʾēl ʾehǝyê šǝlāḥanî ʾălêkem
15 wayyōʾmer ʿôd ʾĕlōhîm ʾel -mōšê kōh -tōʾmar ʾel -bǝnê yiśrāʾēl yhwh ʾĕlōhê ʾăbōtêkem ʾĕlōhê ʾabrāhām ʾĕlōhê yiṣḥāq wēʾlōhê yaʿăqōb šǝlāḥanî ʾălêkem zê -šǝmî lǝʿōlām wǝzê zikrî lǝdōr dōr
16 lēk wǝʾāsaptā ʾet -ziqnê yiśrāʾēl wǝʾāmartā ʾălēhem yhwh ʾĕlōhê ʾăbōtêkem nirʾâ ʾēlay ʾĕlōhê ʾabrāhām yiṣḥāq wǝyaʿăqōb lēʾmōr pāqōd pāqadtî ʾetkem wǝʾet -heʿāśûy lākem bǝmiṣrāyim
17 wāʾōmar ʾaʿălê ʾetkem mēʿŏnî miṣrayim ʾel -ʾereṣ hakkǝnaʿănî wǝhaḥittî wǝhāʾĕmōrî wǝhappǝrizzî wǝhaḥiwwî wǝhayǝbûsî ʾel -ʾereṣ zābat ḥālāb ûdǝbāš
18 wǝšāmǝʿû lǝqōlekā ûbāʾtā ʾattâ wǝziqnê yiśrāʾēl ʾel -melek miṣrayim waʾămartem ʾēlāyw yhwh ʾĕlōhê hāʿibriyyîm niqrâ ʿālênû wǝʿattâ nēlăkâ -nāʾ derek šǝlōšet yāmîm bammidbār wǝnizbǝḥâ la-yhwh ʾĕlōhênû
19 waʾănî yādaʿtî kî lōʾ -yittēn ʾetkem melek miṣrayim lahălōk wǝlōʾ bǝyād ḥăzāqâ
20 wǝšālaḥtî ʾet -yādî wǝhikkêtî ʾet -miṣrayim bǝkōl niplǝʾōtay ʾăšer ʾeʿĕśê bǝqirbô wǝʾaḥărê -kēn yǝšallaḥ ʾetkem
21 wǝnātattî ʾet -ḥēn hāʿām -hazzê bǝʿênê miṣrāyim wǝhāyâ kî tēlēkûn lōʾ tēlǝkû rêqām
22 wǝšāʾălâ ʾiššâ miššǝkentāh ûmiggārat bêtāh kǝlê -kesep ûkǝlê zāhāb ûśǝmālōt wǝśamtem ʿal -bǝnêkem wǝʿal -bǝnōtêkem wǝniṣṣaltem ʾet -miṣrāyim
navigate_before
navigate_next
translate
settings
arrow_upward
content_copy
verset copié