² ben-ʾarbāʿîm ûšǝtayim šānâ ʾăḥazyāhû bǝmālǝkô wǝšānâ ʾaḥat mālak bîrûšālāim wǝšēm ʾimmô ʿătalyāhû bat-ʿāmǝrî ³ gam-hûʾ hālak bǝdarkê bêt ʾaḥʾāb kî ʾimmô hāyǝtâ yôʿaṣtô lǝharšîaʿ ⁴ wayyaʿaś hāraʿ bǝʿênê yhwh kǝbêt ʾaḥʾāb kî-hēmmâ hāyû-lô yôʿăṣîm ʾaḥărê môt ʾābîw lǝmašḥît lô ⁵ gam baʿăṣātām hālak wayyēlek ʾet-yǝhôrām ben-ʾaḥʾāb melek yiśrāʾēl lammilḥāmâ ʿal-ḥăzāʾēl melek-ʾărām bǝrāmôt gilʿād wayyakkû hārammîm ʾet-yôrām ⁶ wayyāšob lǝhitrappēʾ bǝyizrǝʿeʾl kî hammakkîm ʾăšer hikkūhû bārāmâ bǝhillāḥămô ʾet-ḥăzâʾēl melek ʾărām waʿăzaryāhû ben-yǝhôrām melek yǝhûdâ yārad lirʾôt ʾet-yǝhôrām ben-ʾaḥʾāb bǝyizrǝʿeʾl kî-ḥōlê hûʾ ⁷ ûmēʾĕlōhîm hāyǝtâ tǝbûsat ʾăḥazyāhû lābôʾ ʾel-yôrām ûbǝbōʾô yāṣāʾ ʿim-yǝhôrām ʾel-yēhûʾ ben-nimšî ʾăšer mǝšāḥô yhwh lǝhakrît ʾet-bêt ʾaḥʾāb ⁸ wayǝhî kǝhiššāpēṭ yēhûʾ ʿim-bêt ʾaḥʾāb wayyimṣāʾ ʾet-śārê yǝhûdâ ûbǝnê ʾăḥê ʾăḥazyāhû mǝšārǝtîm laʾăḥazyāhû wayyahargēm ⁹ wayǝbaqqēš ʾet-ʾăḥazyāhû wayyilkǝdūhû wǝhûʾ mitḥabbēʾ bǝšōmǝrôn wayǝbiʾūhû ʾel-yēhûʾ wayǝmitūhû wayyiqbǝrūhû kî ʾāmǝrû ben-yǝhôšāpāṭ hûʾ ʾăšer-dāraš ʾet-yhwh bǝkol-lǝbābô wǝʾên lǝbêt ʾăḥazyāhû laʿṣōr kōaḥ lǝmamlākâ ¹⁰ waʿătalyāhû ʾēm ʾăḥazyāhû rāʾătâ kî mēt bǝnāh wattāqom wattǝdabbēr ʾet-kol-zeraʿ hammamlākâ lǝbêt yǝhûdâ ¹¹ wattiqqaḥ yǝhôšabʿat bat-hammelek ʾet-yôʾāš ben-ʾăḥazyāhû wattignōb ʾōtô mittôk bǝnê-hammelek hammûmātîm wattittēn ʾōtô wǝʾet-mêniqtô baḥădar hammiṭṭôt wattastîrēhû yǝhôšabʿat bat-hammelek yǝhôrām ʾēšet yǝhôyādāʿ hakkōhēn kî hîʾ hāyǝtâ ʾăḥôt ʾăḥazyāhû mippǝnê ʿătalyāhû wǝlōʾ hĕmîtātǝhû ¹² wayǝhî ʾittām bǝbêt hāʾĕlōhîm mitḥabbēʾ šēš šānîm waʿătalyâ mōleket ʿal-hāʾāreṣ p