Amos 5. 1-27 (WLCt)
1 šimʿû ʾet -haddābār hazzê ʾăšer ʾānōkî nōśēʾ ʿălêkem qînâ bêt yiśrāʾēl
2 nāpǝlâ lōʾ -tôsîp qûm bǝtûlat yiśrāʾēl niṭṭǝšâ ʿal -ʾadmātāh ʾên mǝqîmāh
3 kî kōh ʾāmar ʾădōnāy yhwh hāʿîr hayyōṣēʾt ʾelep tašʾîr mēʾâ wǝhayyôṣēʾt mēʾâ tašʾîr ʿăśārâ lǝbêt yiśrāʾēl s
4 kî kōh ʾāmar yhwh lǝbêt yiśrāʾēl diršûnî wiḥǝyû
5 wǝʾal -tidrǝšû bêt -ʾēl wǝhaggilgāl lōʾ tābōʾû ûbǝʾēr šebaʿ lōʾ taʿăbōrû kî haggilgāl gālōh yiglê ûbêt -ʾēl yihyê lǝʾāwen
6 diršû ʾet -yhwh wiḥǝyû pen -yiṣlaḥ kāʾēš bêt yôsēp wǝʾoklâ wǝʾên -mǝkabbê lǝbêt -ʾēl
7 hahōpǝkîm lǝlaʿănâ mišpāṭ ûṣǝdāqâ lāʾāreṣ hinnîḥû
8 ʿōśê kîmâ ûkǝsîl wǝhōpēk labbōqer ṣalmāwet wǝyôm laylâ heḥšîk haqqôrēʾ lǝmê -hayyām wayyišpǝkēm ʿal -pǝnê hāʾāreṣ yhwh šǝmô s
9 hammablîg šōd ʿal -ʿāz wǝšōd ʿal -mibṣār yābôʾ
10 śānǝʾû baššaʿar môkîaḥ wǝdōbēr tāmîm yǝtāʿēbû
11 lākēn yaʿan bôšaskem ʿal -dāl ûmaśʾat -bar tiqḥû mimmennû bāttê gāzît bǝnîtem wǝlōʾ -tēšǝbû bām karmê -ḥemed nǝṭaʿtem wǝlōʾ tištû ʾet -yênām
12 kî yādaʿtî rabbîm pišʿêkem waʿăṣūmîm ḥaṭṭōʾtêkem ṣōrǝrê ṣaddîq lōqǝḥê kōper wǝʾebyônîm baššaʿar hiṭṭû
13 lākēn hammaśkîl bāʿēt hahîʾ yiddōm kî ʿēt rāʿâ hîʾ
14 diršû -ṭôb wǝʾal -rāʿ lǝmaʿan tiḥǝyû wîhî -kēn yhwh ʾĕlōhê -ṣǝbāʾôt ʾittǝkem kaʾăšer ʾămartem
15 śinʾû -rāʿ wǝʾehĕbû ṭôb wǝhaṣṣîgû baššaʿar mišpāṭ ʾûlay yeḥĕnan yhwh ʾĕlōhê -ṣǝbāʾôt šǝʾērît yôsēp s
16 lākēn kōh -ʾāmar yhwh ʾĕlōhê ṣǝbāʾôt ʾădōnāy bǝkol -rǝḥōbôt mispēd ûbǝkol -ḥûṣôt yōʾmǝrû hô -hô wǝqārǝʾû ʾikkār ʾel -ʾēbel ûmispēd ʾel -yôdǝʿê nehî
17 ûbǝkol -kǝrāmîm mispēd kî -ʾeʿĕbōr bǝqirbǝkā ʾāmar yhwh s
18 hôy hammitʾawwîm ʾet -yôm yhwh lāmmâ -zê lākem yôm yhwh hûʾ -ḥōšek wǝlōʾ -ʾôr
19 kaʾăšer yānûs ʾîš mippǝnê hāʾărî ûpǝgāʿô haddōb ûbāʾ habbayit wǝsāmak yādô ʿal -haqqîr ûnǝšākô hannāḥāš
20 hălōʾ -ḥōšek yôm yhwh wǝlōʾ -ʾôr wǝʾāpēl wǝlōʾ -nōgah lô
21 śānēʾtî māʾastî ḥaggêkem wǝlōʾ ʾārîaḥ bǝʿaṣṣǝrōtêkem
22 kî ʾim -taʿălû -lî ʿōlôt ûminḥōtêkem lōʾ ʾerṣê wǝšelem mǝrîʾêkem lōʾ ʾabbîṭ
23 hāsēr mēʿālay hămôn širêkā wǝzimrat nǝbālêkā lōʾ ʾešmāʿ
24 wǝyiggal kammayim mišpāṭ ûṣǝdāqâ kǝnaḥal ʾêtān
25 hazzǝbāḥîm ûminḥâ higgaštem -lî bammidbār ʾarbāʿîm šānâ bêt yiśrāʾēl
26 ûnǝśāʾtem ʾēt sikkût malkǝkem wǝʾēt kiyyûn ṣalmêkem kôkab ʾĕlōhêkem ʾăšer ʿăśîtem lākem
27 wǝhiglêtî ʾetkem mēhālǝʾâ lǝdammāśeq ʾāmar yhwh ʾĕlōhê -ṣǝbāʾôt šǝmô p
navigate_before
navigate_next
translate
settings
arrow_upward
content_copy
verset copié