Psalm 115. 1-18 (WLCt)
1 lōʾ lānû yhwh lōʾ lānû kî -lǝšimkā tēn kābôd ʿal -ḥasdǝkā ʿal -ʾămittekā
2 lāmmâ yōʾmǝrû haggôyim ʾayyê -nāʾ ʾĕlōhêhem
3 wēʾlōhênû baššāmāyim kōl ʾăšer -ḥāpēṣ ʿāśâ
4 ʿăṣabbêhem kesep wǝzāhāb maʿăśê yǝdê ʾādām
5 pê -lāhem wǝlōʾ yǝdabbērû ʿênayim lāhem wǝlōʾ yirʾû
6 ʾoznayim lāhem wǝlōʾ yišmāʿû ʾap lāhem wǝlōʾ yǝrîḥûn
7 yǝdêhem wǝlōʾ yǝmîšûn raglêhem wǝlōʾ yǝhallēkû lōʾ -yehgû bigrônām
8 kǝmôhem yihyû ʿōśêhem kōl ʾăšer -bōṭēaḥ bāhem
9 yiśrāʾēl bǝṭaḥ ba-yhwh ʿezrām ûmāginnām hûʾ
10 bêt ʾahărōn biṭḥû ba-yhwh ʿezrām ûmāginnām hûʾ
11 yirʾê yhwh biṭḥû ba-yhwh ʿezrām ûmāginnām hûʾ
12 yhwh zǝkārānû yǝbārēk yǝbārēk ʾet -bêt yiśrāʾēl yǝbārēk ʾet -bêt ʾahărōn
13 yǝbārēk yirʾê yhwh haqqǝṭannîm ʿim -haggǝdōlîm
14 yōsēp yhwh ʿălêkem ʿălêkem wǝʿal -bǝnêkem
15 bǝrûkîm ʾattem la-yhwh ʿōśê šāmayim wāʾāreṣ
16 haššāmayim šāmayim la-yhwh wǝhāʾāreṣ nātan libnê -ʾādām
17 lōʾ hammētîm yǝhalǝlû -yāh wǝlōʾ kol -yōrǝdê dûmâ
18 waʾănaḥnû nǝbārēk yāh mēʿattâ wǝʿad -ʿôlām halǝlû -yāh
navigate_before
navigate_next
translate
settings
arrow_upward
content_copy
verset copié