Chapters

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34

Old Testament

Gen Exo Lév Nom Deu Jos Jug Rut 1Sa 2Sa 1Ro 2Ro 1Ch 2Ch Esd Néh Est Job Psa Pro Ecc Can Esa Jér Lam Ezé Dan Osé Joë Amo Abd Jon Mic Nah Hab Sop Agg Zac Mal

Outils multitraductions

Comparateur de versets Surligneur 2 traductions

Deuteronomy 5. 1-33 (WLC)

1 וַיִּקְרָ֣א מֹשֶׁה֮ אֶל־כָּל־יִשְׂרָאֵל֒ וַיֹּ֣אמֶר אֲלֵהֶ֗ם שְׁמַ֤ע יִשְׂרָאֵל֙ אֶת־הַחֻקִּ֣ים וְאֶת־הַמִּשְׁפָּטִ֔ים אֲשֶׁ֧ר אָנֹכִ֛י דֹּבֵ֥ר בְּאָזְנֵיכֶ֖ם הַיּ֑וֹם וּלְמַדְתֶּ֣ם אֹתָ֔ם וּשְׁמַרְתֶּ֖ם לַעֲשֹׂתָֽם׃ 2 יְהוָ֣ה אֱלֹהֵ֗ינוּ כָּרַ֥ת עִמָּ֛נוּ בְּרִ֖ית בְּחֹרֵֽב׃ 3 לֹ֣א אֶת־אֲבֹתֵ֔ינוּ כָּרַ֥ת יְהוָ֖ה אֶת־הַבְּרִ֣ית הַזֹּ֑את כִּ֣י אִתָּ֗נוּ אֲנַ֨חְנוּ אֵ֥לֶּה פֹ֛ה הַיּ֖וֹם כֻּלָּ֥נוּ חַיִּֽים׃ 4 פָּנִ֣ים ׀ בְּפָנִ֗ים דִּבֶּ֨ר יְהוָ֧ה עִמָּכֶ֛ם בָּהָ֖ר מִתּ֥וֹךְ הָאֵֽשׁ׃ 5 אָ֠נֹכִי עֹמֵ֨ד בֵּין־יְהוָ֤ה וּבֵֽינֵיכֶם֙ בָּעֵ֣ת הַהִ֔וא לְהַגִּ֥יד לָכֶ֖ם אֶת־דְּבַ֣ר יְהוָ֑ה כִּ֤י יְרֵאתֶם֙ מִפְּנֵ֣י הָאֵ֔שׁ וְלֹֽא־עֲלִיתֶ֥ם בָּהָ֖ר לֵאמֹֽר׃ ס 6 אָֽנֹכִי֙ יְהוָ֣ה אֱלֹהֶ֔יךָ אֲשֶׁ֧ר הוֹצֵאתִ֛יךָ מֵאֶ֥רֶץ מִצְרַ֖יִם מִבֵּ֥ית** עֲבָדִֽים**׃ 7 לֹא־יִהְיֶ֥ה לְךָ֛** אֱלֹהִ֥ים** אֲחֵרִ֖ים** עַל־פָּנָֽיַ**׃ 8 לֹֽ֣א־תַעֲשֶׂ֥ה לְךָ֥** פֶ֨סֶל֙** כָּל־תְּמוּנָ֔ה** אֲשֶׁ֤ר** בַּשָּׁמַ֨יִם֙** מִמַּ֔עַל** וַאֲשֶׁ֥ר** בָּאָ֖רֶץ** מִתָּ֑חַת** וַאֲשֶׁ֥ר בַּמַּ֖יִם** מִתַּ֥חַת** לָאָֽרֶץ**׃ 9 לֹא־תִשְׁתַּחֲוֶ֥ה** לָהֶ֖ם** וְלֹ֣א תָעָבְדֵ֑ם** כִּ֣י אָנֹכִ֞י יְהוָ֤ה אֱלֹהֶ֨יךָ֙ אֵ֣ל קַנָּ֔א פֹּ֠קֵד עֲוֺ֨ן אָב֧וֹת עַל־בָּנִ֛ים וְעַל־שִׁלֵּשִׁ֥ים וְעַל־רִבֵּעִ֖ים לְשֹׂנְאָֽי**׃ 10 וְעֹ֥שֶׂה** חֶ֖סֶד** לַֽאֲלָפִ֑ים** לְאֹהֲבַ֖י וּלְשֹׁמְרֵ֥י מצותומִצְוֺתָֽי׃ ס 11 לֹ֥א תִשָּׂ֛א אֶת־שֵֽׁם־יְהוָ֥ה אֱלֹהֶ֖יךָ לַשָּׁ֑וְא כִּ֣י לֹ֤א יְנַקֶּה֙ יְהוָ֔ה אֵ֛ת אֲשֶׁר־יִשָּׂ֥א אֶת־שְׁמ֖וֹ לַשָּֽׁוְא׃ ס 12 שָׁמ֛וֹר** אֶת־י֥וֹם** הַשַׁבָּ֖ת** Q n p לְקַדְּשׁ֑וֹ** כַּאֲשֶׁ֥ר צִוְּךָ֖** יְהוָ֥ה** אֱלֹהֶֽיךָ**׃ U 13 שֵׁ֤שֶׁת** יָמִים֙** תַּֽעֲבֹ֔ד** וְעָשִׂ֖יתָ** כָּל**־מְלַאכְתֶּֽךָ**׃ 14 וְי֨וֹם֙ הַשְּׁבִיעִ֔י** שַׁבָּ֖ת** לַיהוָ֣ה** אֱלֹהֶ֑יךָ** לֹ֣א תַעֲשֶׂ֣ה כָל־מְלָאכָ֡ה אַתָּ֣ה וּבִנְךָֽ־וּבִתֶּ֣ךָ וְעַבְדְּךָֽ־וַ֠אֲמָתֶךָ וְשׁוֹרְךָ֨ וַחֲמֹֽרְךָ֜ וְכָל־בְּהֶמְתֶּ֗ךָ וְגֵֽרְךָ֙ אֲשֶׁ֣ר בִּשְׁעָרֶ֔יךָ לְמַ֗עַן יָנ֛וּחַ עַבְדְּךָ֥ וַאֲמָתְךָ֖ כָּמֽוֹךָ**׃ 15 וְזָכַרְתָּ֗** כִּ֣י־עֶ֤בֶד** הָיִ֨יתָ֙** ׀ בְּאֶ֣רֶץ מִצְרַ֔יִם** וַיֹּצִ֨אֲךָ֜** יְהוָ֤ה** אֱלֹהֶ֨יךָ֙** מִשָּׁ֔ם** בְּיָ֥ד** חֲזָקָ֖ה** וּבִזְרֹ֣עַ נְטוּיָ֑ה** עַל־כֵּ֗ן צִוְּךָ֙ יְהוָ֣ה אֱלֹהֶ֔יךָ לַעֲשׂ֖וֹת אֶת־י֥וֹם הַשַׁבָּֽת׃ Q n p ס 16 כַּבֵּ֤ד אֶת־אָבִ֨יךָ֙ וְאֶת־אִמֶּ֔ךָ כַּאֲשֶׁ֥ר צִוְּךָ֖ יְהוָ֣ה אֱלֹהֶ֑יךָ לְמַ֣עַן ׀ יַאֲרִיכֻ֣ן יָמֶ֗יךָ וּלְמַ֨עַן֙ יִ֣יטַב לָ֔ךְ עַ֚ל הָֽאֲדָמָ֔ה אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃ ס 17 לֹ֖א** תִּרְצָֽח**׃ ס 18 וְלֹ֖א** תִּנְאָֽף**׃ ס 19 וְלֹ֖א** תִּגְנֹֽב**׃ ס 20 וְלֹֽא־תַעֲנֶ֥ה בְרֵֽעֲךָ֖ עֵ֥ד שָֽׁוְא׃ ס 21 וְלֹ֥א תַחְמֹ֖ד אֵ֣שֶׁת רֵעֶ֑ךָ ס וְלֹ֨א תִתְאַוֶּ֜ה בֵּ֣ית רֵעֶ֗ךָ שָׂדֵ֜הוּ וְעַבְדּ֤וֹ וַאֲמָתוֹ֙ שׁוֹר֣וֹ וַחֲמֹר֔וֹ וְכֹ֖ל אֲשֶׁ֥ר לְרֵעֶֽךָ׃ ס 22 אֶֽת־הַדְּבָרִ֣ים הָאֵ֡לֶּה דִּבֶּר֩ יְהוָ֨ה אֶל־כָּל־קְהַלְכֶ֜ם בָּהָ֗ר מִתּ֤וֹךְ הָאֵשׁ֙ הֶֽעָנָ֣ן וְהָֽעֲרָפֶ֔ל ק֥וֹל גָּד֖וֹל וְלֹ֣א יָסָ֑ף וַֽיִּכְתְּבֵ֗ם עַל־שְׁנֵי֙ לֻחֹ֣ת אֲבָנִ֔ים וַֽיִּתְּנֵ֖ם אֵלָֽי׃ 23 וַיְהִ֗י כְּשָׁמְעֲכֶ֤ם אֶת־הַקּוֹל֙ מִתּ֣וֹךְ הַחֹ֔שֶׁךְ וְהָהָ֖ר בֹּעֵ֣ר בָּאֵ֑שׁ וַתִּקְרְב֣וּן אֵלַ֔י כָּל־רָאשֵׁ֥י שִׁבְטֵיכֶ֖ם וְזִקְנֵיכֶֽם׃ 24 וַתֹּאמְר֗וּ הֵ֣ן הֶרְאָ֜נוּ יְהוָ֤ה אֱלֹהֵ֨ינוּ֙ אֶת־כְּבֹד֣וֹ וְאֶת־גָּדְל֔וֹ וְאֶת־קֹל֥וֹ שָׁמַ֖עְנוּ מִתּ֣וֹךְ הָאֵ֑שׁ הַיּ֤וֹם הַזֶּה֙ רָאִ֔ינוּ כִּֽי־יְדַבֵּ֧ר אֱלֹהִ֛ים אֶת־הָֽאָדָ֖ם וָחָֽי׃ 25 וְעַתָּה֙ לָ֣מָּה נָמ֔וּת כִּ֣י תֹֽאכְלֵ֔נוּ הָאֵ֥שׁ הַגְּדֹלָ֖ה הַזֹּ֑את אִם־יֹסְפִ֣ים ׀ אֲנַ֗חְנוּ לִ֠שְׁמֹעַ אֶת־ק֨וֹל יְהוָ֧ה אֱלֹהֵ֛ינוּ ע֖וֹד וָמָֽתְנוּ׃ 26 כִּ֣י מִ֣י כָל־בָּשָׂ֡ר אֲשֶׁ֣ר שָׁמַ֣ע קוֹל֩ אֱלֹהִ֨ים חַיִּ֜ים מְדַבֵּ֧ר מִתּוֹךְ־הָאֵ֛שׁ כָּמֹ֖נוּ וַיֶּֽחִי׃ 27 קְרַ֤ב אַתָּה֙ וּֽשֲׁמָ֔ע אֵ֛ת כָּל־אֲשֶׁ֥ר יֹאמַ֖ר יְהוָ֣ה אֱלֹהֵ֑ינוּ וְאַ֣תְּ ׀ תְּדַבֵּ֣ר אֵלֵ֗ינוּ אֵת֩ כָּל־אֲשֶׁ֨ר יְדַבֵּ֜ר יְהוָ֧ה אֱלֹהֵ֛ינוּ אֵלֶ֖יךָ וְשָׁמַ֥עְנוּ וְעָשִֽׂינוּ׃ 28 וַיִּשְׁמַ֤ע יְהוָה֙ אֶת־ק֣וֹל דִּבְרֵיכֶ֔ם בְּדַבֶּרְכֶ֖ם אֵלָ֑י וַיֹּ֨אמֶר יְהוָ֜ה אֵלַ֗י שָׁ֠מַעְתִּי אֶת־ק֨וֹל דִּבְרֵ֜י הָעָ֤ם הַזֶּה֙ אֲשֶׁ֣ר דִּבְּר֣וּ אֵלֶ֔יךָ הֵיטִ֖יבוּ כָּל־אֲשֶׁ֥ר דִּבֵּֽרוּ׃ 29 מִֽי־יִתֵּ֡ן וְהָיָה֩ לְבָבָ֨ם זֶ֜ה לָהֶ֗ם לְיִרְאָ֥ה אֹתִ֛י וְלִשְׁמֹ֥ר אֶת־כָּל־מִצְוֺתַ֖י כָּל־הַיָּמִ֑ים לְמַ֨עַן יִיטַ֥ב לָהֶ֛ם וְלִבְנֵיהֶ֖ם לְעֹלָֽם׃ 30 לֵ֖ךְ אֱמֹ֣ר לָהֶ֑ם שׁ֥וּבוּ לָכֶ֖ם לְאָהֳלֵיכֶֽם׃ 31 וְאַתָּ֗ה פֹּה֮ עֲמֹ֣ד עִמָּדִי֒ וַאֲדַבְּרָ֣ה אֵלֶ֗יךָ אֵ֧ת כָּל־הַמִּצְוָ֛ה וְהַחֻקִּ֥ים וְהַמִּשְׁפָּטִ֖ים אֲשֶׁ֣ר תְּלַמְּדֵ֑ם וְעָשׂ֣וּ בָאָ֔רֶץ אֲשֶׁ֧ר אָנֹכִ֛י נֹתֵ֥ן לָהֶ֖ם לְרִשְׁתָּֽהּ׃ 32 וּשְׁמַרְתֶּ֣ם לַעֲשׂ֔וֹת כַּאֲשֶׁ֥ר צִוָּ֛ה יְהוָ֥ה אֱלֹהֵיכֶ֖ם אֶתְכֶ֑ם לֹ֥א תָסֻ֖רוּ יָמִ֥ין וּשְׂמֹֽאל׃ 33 בְּכָל־הַדֶּ֗רֶךְ אֲשֶׁ֨ר צִוָּ֜ה יְהוָ֧ה אֱלֹהֵיכֶ֛ם אֶתְכֶ֖ם תֵּלֵ֑כוּ לְמַ֤עַן תִּֽחְיוּן֙ וְט֣וֹב לָכֶ֔ם וְהַאֲרַכְתֶּ֣ם יָמִ֔ים בָּאָ֖רֶץ אֲשֶׁ֥ר תִּֽירָשֽׁוּן׃
  • 6.**. ↑ מִ/בֵּ֣ית
  • 6.**. ↑ עֲבָדִ֑ים
  • 7.**. ↑ לֹ֣א יִהְיֶה־לְ/ךָ֩
  • 7.**. ↑ אֱלֹהִ֨ים
  • 7.**. ↑ אֲחֵרִ֜ים
  • 7.**. ↑ פָּנָ֗/יַ
  • 8.**. ↑ לֹ֣א תַעֲשֶׂה־לְ/ךָ֣
  • 8.**. ↑ פֶ֣סֶל׀
  • 8.**. ↑ תְּמוּנָ֡ה
  • 8.**. ↑ אֲשֶׁ֣ר
  • 8.**. ↑ בַּ/שָּׁמַ֣יִם׀
  • 8.**. ↑ מִ/מַּ֡עַל
  • 8.**. ↑ וַ/אֲשֶׁר֩
  • 8.**. ↑ בָּ/אָ֨רֶץ
  • 8.**. ↑ מִ/תָּ֜חַת
  • 8.**. ↑ בַּ/מַּ֣יִם׀
  • 8.**. ↑ מִ/תַּ֣חַת
  • 8.**. ↑ לָ/אָ֗רֶץ
  • 9.**. ↑ תִשְׁתַּחֲוֶ֣ה
  • 9.**. ↑ לָ/הֶם֮
  • 9.**. ↑ תָעָבְדֵ/ם֒
  • 9.**. ↑ לְ/שֹׂנְאָ֑/י
  • 10.**. ↑ וְ/עֹ֤שֶׂה
  • 10.**. ↑ חֶ֨סֶד֙
  • 10.**. ↑ לַֽ/אֲלָפִ֔ים
  • 12.**. ↑ שָׁמ֣וֹר
  • 12.**. ↑ יוֹם֩
  • 12.**. ↑ הַ/שַׁבָּ֨ת
  • 12.Q. ↑ Marks a place where we agree with BHQ against BHS in reading L.
  • 12.n. ↑ Marks an anomalous form.
  • 12.p. ↑ We read punctuation in L differently from BHS.
  • 12.**. ↑ לְ/קַדְּשׁ֜/וֹ
  • 12.**. ↑ צִוְּ/ךָ֣׀
  • 12.**. ↑ יְהוָ֣ה
  • 12.**. ↑ אֱלֹהֶ֗י/ךָ
  • 12.U. ↑ We agree with both BHS 1997 and BHQ on an unexpected reading.
  • 13.**. ↑ שֵׁ֣שֶׁת
  • 13.**. ↑ יָמִ֣ים
  • 13.**. ↑ תַּֽעֲבֹד֮
  • 13.**. ↑ וְ/עָשִׂ֣יתָ
  • 13.**. ↑ כָֿל
  • 13.**. ↑ מְלַאכְתֶּ/ךָ֒
  • 14.**. ↑ הַ/שְּׁבִיעִ֜י
  • 14.**. ↑ שַׁבָּ֣ת׀
  • 14.**. ↑ לַ/יהוָ֖ה
  • 14.**. ↑ אֱלֹהֶ֗י/ךָ
  • 14.**. ↑ כָּמ֑וֹ/ךָ
  • 15.**. ↑ וְ/זָכַרְתָּ֞
  • 15.**. ↑ עֶ֥בֶד
  • 15.**. ↑ הָיִ֣יתָ׀
  • 15.**. ↑ מִצְרַ֗יִם
  • 15.**. ↑ וַ/יֹּצִאֲ/ךָ֩
  • 15.**. ↑ יְהוָ֨ה
  • 15.**. ↑ אֱלֹהֶ֤י/ךָ
  • 15.**. ↑ מִ/שָּׁם֙
  • 15.**. ↑ בְּ/יָ֤ד
  • 15.**. ↑ חֲזָקָה֙
  • 15.**. ↑ נְטוּיָ֔ה
  • 15.Q. ↑ Marks a place where we agree with BHQ against BHS in reading L.
  • 15.n. ↑ Marks an anomalous form.
  • 15.p. ↑ We read punctuation in L differently from BHS.
  • 17.**. ↑ לֹ֥א
  • 17.**. ↑ תִֿרְצָ֖ח
  • 18.**. ↑ וְ/לֹ֣א
  • 18.**. ↑ תִֿנְאָ֑ף
  • 19.**. ↑ וְ/לֹ֣א
  • 19.**. ↑ תִֿגְנֹ֔ב
navigate_before navigate_next translate settings arrow_upward